ՀՀ դեսպանը մասնակցեց Չեռնոգորիայի Պետականության օրվա կապակցությամբ կազմակերպված ընդունելությանը

09 հուլիսի, 2026

Հուլիսի 9-ին ՀՀ դեսպան Աշոտ Հովակիմյանը Չեռնոգորիայի հին մայրաքաղաք Ցետինյեում մասնակցեց Չեռնոգորիայի Պետականության օրվա կապակցությամբ կազմակերպված պետական ընդունելությանը: Դեսպանը կարճատև զրույցներ ունեցավ Չեռնոգորիայի նախագահ Յակով Միլատովիչի, պաշտպանության նախարար Դրագան Կրապովիչի, արարողությանը որպես պատվավոր հյուր գտնվող Եվրամիության ընդլայնման հարցերով հանձնակատար Մարթա Կոսի, չեռնոգորցի քաղաքական և հասարակական գործիչների, դեսպանների հետ:

Հուլիսի 10-ին ՀՀ դեսպանը մի շարք աշխատանքային հանդիպումներ ունեցավ Պոդգորիցայում: Չեռնոգորիայի բնապահպանության, կայուն զարգացման և հյուսիսային շրջանների զարգացման նախարար Դամյան Չուլաֆիչին փոխանցվեցին COP17-ին մասնակցության հրավերը և նյութերը, քննարկվեց երկրի ներգրավվման ձևաչափը: Արտաքին և եվրոպական գործերի փոխվարչապետ Ֆիլիպ Իվանովիչի և Արտաքին գործերի նախարարության պետական քարտուղար Պերիշա Կաստրատովիչի հետ հանդիպումների օրակարգում էին երկկողմ հարաբերությունների զարգացման, բարձրաստիճան այցերի կազմակերպման, երկկողմ համաձայնագրերի, ԱԳՆ-ների միջև քաղաքական խորհրդակցությունների անցկացման հարցերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր