ՀՀ դեսպանի հանդիպումը Չեխիայի Խորհրդարանի Պատգամավորների պալատի Եվրոպական հարցերի հանձնաժողովի նախագահի հետ

28 մայիսի, 2026

Մայիսի 28-ին դեսպան Աշոտ Հովակիմյանին ընդունեց Չեխիայի Խորհրդարանի Պատգամավորների պալատի Եվրոպական հարցերի հանձնաժողովի նախագահ, Հայաստանի հետ խորհրդարանական բարեկամական խմբի անդամ Պետր Սոկոլը:

ՀՀ դեսպանը հանգամանորեն ներկայացրեց ՀՀ արտաքին քաղաքականության հիմնական առաջնահերթությունները, կայուն խաղաղության հաստատմանն ուղղված ՀՀ կառավարության ջանքերը՝ ընդգծելով տարածաշրջանային կապուղիների ապաշրջափակման, «Խաղաղության խաչմերուկ» նախագծի իրագործման նշանակությունը։

Կողմերը կարծիքներ փոխանակեցին երկկողմ հարաբերությունների օրակարգային հարցերի և տարածաշրջանային վերջին զարգացումների շուրջ։ Հանդիպման ընթացքում անդրադարձ կատարվեց նաև միջխորհրդարանական համագործակցության հեռանկարներին և երկու երկրների օրենսդիր մարմիններում գործող բարեկամական խմբերի գործունեության ակտիվացման հնարավորություններին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր