Դեսպանության ներկայացուցչի մասնակցությունը Նովի Սադի հայկական եկեղեցուն նվիրված միջոցառմանը

30 մարտի, 2026

Մարտի 30-ին Բելգրադի Գիտության և տեխնոլոգիայի թանգարանում տեղի ունեցավ Նովի Սադի հայկական եկեղեցուն նվիրված ֆիլմի, ինչպես նաև եկեղեցու եռաչափ մոդելի ցուցադրություն։

Միջոցառմանը ելույթներով հանդես եկան ֆիլմի հեղինակ Սնեժանա Միյիչը, ինչպես նաև ֆիլմի սցենարիստ, պատմաբան Վլադիմիր Պետրովիչը։ Ֆիլմի ցուցադրությանը ներկա էր Պրահայում ՀՀ դեսպանության խորհրդական, Բելգրադի գրասենյակի ղեկավար Հայկ Խեմչյանը։

1746-ին կառուցված՝ Նովի Սադի Սուրբ Գրիգոր Լուսավորիչ հայկական եկեղեցին քաղաքի կենտրոնական փողոցի ընդարձակման պատճառով 1963-ին քանդվել է։ 1993-ից եկեղեցու տեղում կանգնեցված է հայկական խաչքար՝ նվիրված 1988-ին Սպիտակի երկրաշարժից հետո Հայաստանում կործանված հարավսլավական ինքնաթիռի օդաչուներին։

Եկեղեցու եռաչափ վերականգնված մոդելը հասանելի է հետևյալ հղմամբ․ https://ns-crkva.netlify.app/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր