Դեկտեմբերի 9-ին ՀՀ դեսպան Աշոտ Հովակիմյանին ընդունել է Սերբիայի Արտաքին գործերի նախարար Մարկո Ջուրիչը

09 դեկտեմբերի, 2025

Դեկտեմբերի 9-ին ՀՀ դեսպան Աշոտ Հովակիմյանին ընդունել է Սերբիայի Արտաքին գործերի նախարար Մարկո Ջուրիչը։ Հանդիպման ընթացքում կողմերը քննարկել են Հայաստան–Սերբիա երկկողմ հարաբերությունների զարգացման հեռանկարները՝ ընդգծելով քաղաքական երկխոսության խորացման, ինչպես նաև տարբեր ոլորտներում համագործակցության ընդլայնման կարևորությունը։

Դեսպան Հովակիմյանը ԱԳ նախարարին է ներկայացրել ընթացիկ տարվա օգոստոսի 8-ին Վաշինգտոնում ձեռք բերված համաձայնությունները: Անդրադարձ է կատարվել ՀՀ կառավարության «Խաղաղության խաչմերուկ» նախաձեռնությանը և դրա կարևոր բաղադրիչ «ԹՐԻՓՓ ուղի» ծրագրին և ընդգծվել տարածաշրջանային փոխկապակցվածության համատեքստում դրանց կյանքի կոչման կարևորությունը:

Դեկտեմբերի 10-ին դեսպան Հովակիմյանին ընդունել է Սերբիայի Ներքին և արտաքին առևտրի նախարար Յագոդա Լազարևիչը։ Հանդիպման ընթացքում քննարկվել են Հայաստանի և Սերբիայի միջև առևտրատնտեսական հարաբերությունների խթանմանն առնչվող, ինչպես նաև EXPO 2027 համաշխարհային ցուցահանդեսին Հայաստանի մասնակցության հետ կապված հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր