Հայոց ցեղասպանության 109-րդ տարելիցին նվիրված հիշատակի միջոցառում Չեռնոգորիայում

23 ապրիլի, 2024

Ապրիլի 23-ին Հայոց ցեղասպանության 109-րդ տարելիցի կապացությամբ ՀՀ դեսպան Աշոտ Հովակիմյանը Չեռնոգորիայի Տիվատ քաղաքի Սուրբ Սավայի ուղղափառ եկեղեցում ներկա գտնվեց Մեծ Եղեռնի զոհերի հիշատակին նվիրված հոգեհանգստյան կարգին: Արարողության ավարտին ՀՀ դեսպանը հանդես եկավ ելույթով, կարևորելով Չեռնոգորիայի վերաստեղծված հայկական համայնքի դերը արարողությունը կազմակերպելու գործում, ինչպես նաև մոտակա ժամանակներում եկեղեցու շքամուտքի մոտ հայկական խաչքարի տեղադրումը: Դեսպանը նաև շնորհակալություն հայտնեց Սուրբ Սավայի եկեղեցու սպասավորներին՝ հայ ժողովրդին համերաշխություն և զորակցություն հայտնելու համար: ՀՀ դեսպանը նաև հանդիպում ունեցավ Չեռնոգորիայի հայ համայնքի նորընտիր նախագահ Վահե Հանեսյանի և համայնքի անդամների հետ:

Նույն օրը, Չեռնոգորիայի խորհրդարանի նախագահ Անդրիյա Մանդիչի հրավերով՝ ՀՀ դեսպանը Պոդգորիցայում ներկա գտնվեց Ֆրանկոֆոնիայի խորհրդարանական վեհաժողովի խորհրդարանական գործերի կոմիտեի նիստի բացման հանդիսավոր արարողությանը: Դեսպանը կարճատև զրույցներ ունեցավ Չեռնոգորիայի խորհրդարանի նախագահ Անդրիյա Մանդիչի, արտաքին գործերի նախարար Ֆիլիպ Իվանովիչի, Չեռնոգորիայի և Սերբիայի խորհրդարանների՝ Ֆրանկոֆոնիայի խորհրդարանական վեհաժողովում դիտորդական պատվիրակությունների անդամների, Չեռնոգորիայում Ֆրանսիայի դեսպանի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր