ՀՀ դեսպան Աշոտ Հովակիմյանն աշխատանքային այցով գտնվում էր Չեռնոգորիայում

25 սեպտեմբերի, 2023

Սեպտեմբերի 25-26-ին ՀՀ դեսպան Աշոտ Հովակիմյանն աշխատանքային այցով գտնվում էր Չեռնոգորիայում:

Դեսպանին ընդունեցին Պոդգորիցայի նորընտիր քաղաքապետ Օլիվերա Ինյացը և Պոդգորիցայի քաղաքային խորհրդի նախագահ Յելենա Բորովինիչ Բոյովիչը: Հանդիպումների ընթացքում երկուստեք արձանագրվեց Երևանի և Պոդգորիցայի (նախկին Տիտոգրադ) միջև գործընկերային հարաբերությունների վերականգնման անհրաժեշտությունը բոլոր հնարավոր բնագավառներում, ինչը խթան կհանդիսանա նաև երկու բարեկամ երկրների միջև երկկողմ օրակարգի զարգացման համար:

ՀՀ դեսպանը հանդիպումներ ունեցավ նաև Չեռնոգորիայի նախագահի արտաքին հարաբերությունների գծով խորհրդական Մարիյա Լակիչ-Բարֆուսի, ԱԳՆ Երկկողմ հարաբերությունների Գլխավոր տնօրեն Ալեկսանդրա Միշուրովիչի, Տնտեսական և մշակութային դիվանագիտության Գլխավոր տնօրեն Դեյան Վուկովիչի և Դիվանագիտական Ակադեմիայի տնօրեն Միրսադ Բիբովիչի, նորընտիր խորհրդարանի մի քանի պատգամավորների հետ:

Դեսպանն իր բոլոր չեռնոգորցի զրուցակիցներին մանրամասն ներկայացրեց սեպտեմբերի 19-ին Ադրբեջանի կողմից սանձազերծված լայնածավալ ռազմական ագրեսիայի և Լեռնային Ղարաբաղի ժողովրդի զանգվածային բռնի տեղահանման հետևանքով ստեղծված իրավիճակը, ընդգծեց միջազգային համարժեք գնահատականի կարևորությունը՝ մարդասիրական մարտահրավերների հաղթահարման գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր