ՀՀ դեսպան Աշոտ Հովակիմյանի աշխատանքային այցը Սլովենիայի Հանրապետություն

30 հունվարի, 2023

Հունվարի 30-ին Սլովենիայի Հանրապետության նորընտիր նախագահ Նատաշա Պիրց Մուսարի և վարչապետ Ռոբերտ Գոլոբի հրավերով՝ ՀՀ դեսպան Աշոտ Հովակիմյանը տիկնոջ հետ ներկա գտնվեցին Սլովենիայում հավատարմագրված դիվանագիտական ներկայացուցչությունների ղեկավարների պատվին տրված Ամանորյա ընդունելությանը: Նախագահն ու վարչապետը ներկայացրեցին Սլովենիայի արտաքին քաղաքականության առաջնայնությունները, որոնցից գերական՝ ՄԱԿ Անվտանգության խորհրդի ոչ մշտական անդամ ընտրվելն է: Ընդունելության ընթացքում ՀՀ դեսպանը կարճատև զրույց ունեցավ Սլովենիայի նախագահ Նատաշա Պիրց Մուսարի հետ:

Հունվարի 31-ին Սլովենիայի Արտաքին և եվրոպական գործերի նախարարությունում ՀՀ դեսպանին ընդունեցին Զարգացման համագործակցության և մարդասիրական օգնության տնօրինության գլխավոր տնօրենի պաշտոնակատար Էդվին Սկռտը, Քաղաքական հարցերի տնօրինության գլխավոր տնօրենի պաշտոնակատար Մատեյա Նորչիչ Շտամցարը և Բազմակողմ համագործակցության տնօրինության գլխավոր տնօրենի պաշտոնակատար Սանյա Շտիգլիցը: Հանդիպումների ընթացքում քննարկվեցին հայ-սլովենական հարաբերությունների բազմաթիվ հարցեր՝ երկկողմ և բազմակողմ հարթակներում: Դեսպանը զրուցակիցներին ներկայացրեց Լաչինի միջանցքի շրջափակման հետևանքով ծանր հումանիտար իրավիճակը, Ադրբեջանի կողմից մարդասիրական իրավունքի խախտման մանրամասները՝ ընդգծելով միջազգային հասցեական արձագանքների և գործուն քայլերի կարևորությունը։ ՀՀ դեսպանը հանդիպում ունեցավ նաև Սլովենիայի խոշորագույն դեղագործական ձեռնարկության՝ KRKA-ի կառավարման խորհրդի նախագահ և գլխավոր տնօրեն Յոժե Ցոլարիչի հետ:

Նույն օրը տեղի ունեցավ առցանց առաջին հանդիպումը Սլովենիայի և Հայաստանի խորհդարաններում գործող բարեկամական խմբերի միջև, որին Սլովենիայի խորհրդարանում միացավ Լյուբլյանայում գտնվող ՀՀ դեսպան Ա.Հովակիմյանը:

http://www.parliament.am/news.php?cat_id=2&NewsID=18118...

Փետրվարի 1-ին Սլովենիայում հավատարմագրված դիվանագիտական ներկակացուցչությունների ղեկավարների համար կազմակերպվեց ուղևորություն Պլանիցա՝ ծանոթանալու համար Սլովենիայի դահուկային սպորտի նվաճումներին և Պլանիցայում 2023թ. փետրվարի վերջին – մարտի սկզբին կազմակերպվող դահուկային սպորտի աշխարհի առաջնության նախապատրաստական աշխատանքներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր