Հայկական երեկո Բելգրադի քաղաքային գրադարանում՝ նվիրված Վիեննայի Մխիթարյանների տպարանում սերբական գրականության հիմնարար գործերի հրատարակման 175-ամյակին

13 դեկտեմբերի, 2022

Դեկտեմբերի 13-ին Բելգրադի քաղաքային գրադարանում Սերբիայում ՀՀ դեսպանությունը և «Վեսնա Պեշիչ և որդիներ» հրատարակչությունը կազմակերպեցին Հայկական երեկո, որը նվիրված էր Վիեննայի Մխիթարյանների տպարանում սերբական գրականության հիմնարար գործերի (Վուկ Ստեֆանովիչ Կարաջիչի «Նոր Կտակարանը», Պետար Բ Պետրովիչ Նյեգոշի «Լեռնային պսակը», Բրանկո Ռադիչևիչի «Բանաստեղծությունները») հրատարակման 175-ամյակին։ Միջոցառման ընթացքում, որին ներկա էին հարյուրավոր ունկնդիրներ, խոսք գնաց հայ-սերբական մշակութային և հասարակական հարաբերությունների արդի վիճակի մասին: Ծրագրին մասնակցում էին ՀՀ դեսպան Աշոտ Հովակիմյանը, դոկտոր, պրոֆեսոր Բոշկո Սուվայջիչը, հրատարակիչ և գրող Վեսնա Պեշիչը, դերասանուհիներ Դանինա Մոգելը և Նաջա Կոստիչը:

Երեկոյի ընթացքում տեղի ունեցավ Վեսնա Պեշիչի «Կոչի՛ր ինձ Գարուն» գրքի և նրա հայերեն թարգմանության շնորհանդեսը, ցուցադրվեցին երիտասարդ լուսանկարիչ Բոյանա Ժուժայի «Հայաստանը՝ երկինք երկրի վրա» լուսանկարները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր