ՀՀ դեսպան Աշոտ Հովակիմյանին ընդունեց Չեխիայի Եվրոպական հարցերի նախարար Միկուլաշ Բեկը

15 նոյեմբերի, 2022

Նոյեմբերի 15-ին ՀՀ դեսպան Աշոտ Հովակիմյանին ընդունեց Չեխիայի Եվրոպական հարցերի նախարար Միկուլաշ Բեկը։

Կողմերը մտքեր փոխանակեցին Հայաստան-Եվրոպական Միություն համագործակցության հեռանկարների, ԵՄ խորհրդում Չեխիայի նախագահության շրջանակներում միջոցառումների և նախաձեռնությունների ընթացքի վերաբերյալ։

Դեսպան Հովակիմյանը զրուցակցին մանրամասն ներկայացրեց Հայաստանի ինքնիշխանության և տարածքային ամբողջականության նկատմամբ ադրբեջանական ագրեսիայի հետևանքներն ու ստեղծված անվտանգային իրավիճակը, Հայաստանի կողմից տարածաշրջանում խաղաղության օրակարգի առաջմղման ուղղությամբ տարվող աշխատանքների ընթացքը, Արցախյան պատերազմին հաջորդած հումանիտար խնդիրներն ու առկա անվտանգային մարտահրավերները։ Այս համատեքստում ընդծվեց Հայաստան ԵՄ դիտորդական առաքելության այցի կարևորությունը՝ տարածաշրջանային անվտանգության և խաղաղության հաստատման հարցում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր