ՀՀ դեսպան Աշոտ Հովակիմյանի աշխատանքային այցը Բելգրադ

04 մարտի, 2022

Մարտի 3-4-ին ՀՀ դեսպան Աշոտ Հովակիմյանը Բելգրադում հանդիպումներ ունեցավ Սերբիայի Կրթության, գիտության և տեխնոլոգիական զարգացման նախարարության պետական քարտուղար Իվիցա Ռադովիչի և միջազգային համագործակցության և եվրոինտեգրման հարցերով նախարարի տեղակալ Ալեքսանդար Յովիչի, Սերբիայի ԱԳ նախարարի՝ երկկողմ հարաբերությունների հարցերով տեղակալ Վլադիմիր Մարիչի և հյուպատոսական հարցերով տեղակալ Վերա Վուկիչևիչի հետ, մի շարք վարչությունների տնօրենների հետ:

Զրուցակիցների հետ հանգամանալից անդրադարձ կատարվեց Եվրոպայում, հատկապես, Արևմտյան Բալկաններում և Հարավային Կովկասում տիրող անվտանգային միջավայրին, երկկողմ քաղաքական, տնտեսական, հյուպատոսական, իրավապայմանագրային ոլորտներում համագործակցությանը, քննարկվեցին բարձրաստիճան այցերի իրագործման հեռանկարները, Հայաստան-Սերբիա միջկառավարարկան տնտեսական հանձնաժողովի ստեղծումը և ԱԳՆ-ների միջև քաղաքական խորհրդակցությունների անցկացումը:

Բելգրադում ՀՀ դեսպանը հանդիպեց նաև Եվրոպական ուսումնասիրությունների ինստիտուտի տնօրեն Միշա Ջուրկովիչի, ականավոր սերբ արևելագետ և դիվանագետ, պրոֆեսոր Դարկո Տանասկովիչի և Բելգրադի Ազգագրական թանգարանի տնօրեն Տիյանա Չոլակ-Անտիչ Պոպովիչի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր