Օգոստոսի 1-2-ին Սերբիայում ՀՀ դեսպան Աշոտ Հովակիմյանը Սերբիա կատարած աշխատանքային այցի շրջանակներում այցելեց Վրնյաչկա Բանյա քաղաք

02 օգոստոսի, 2021

Օգոստոսի 1-2-ին Սերբիայում ՀՀ դեսպան Աշոտ Հովակիմյանը Սերբիա կատարած աշխատանքային այցի շրջանակներում այցելեց Վրնյաչկա Բանյա քաղաքը, որը համարվում է երկրի լավագույն հանգստավայր և առողջավայրերից մեկը:

Օգոստոսի 1-ին ՀՀ դեսպանը հանդիպում ունեցավ Վրնյաչկա Բանյայի մի քանի տասնյակ հայերի և նրանց ընտանիքների անդամների, Սերբիայի այլ քաղաքներից ժամանած հայրենակիցների հետ: 1922թ. Հայոց ցեղասպանությունը վերապրած մի քանի ընտանիքներ կազմակերպված վերաբնակվեցին Հարավսլավիայի Թագավորության Վրնյաչկա Բանյա քաղաքում, որոնցից Տեր-Պողոսյանների ընտանիքի անդամներից հանդիպմանը ներկա էին չորրորդ և հինգերորդ սերունդների ներկայացուցիչներ: Ներկաներին ողջունեց Վրնյաչկա Բանյայի քաղաքապետ Բոբան Ջուրովիչը:

Օգոստոսի 2-ին ՀՀ դեսպանն այցելեց Վրնյաչկա Բանյայի քաղաքապետարան և հանդիպեց քաղաքապետ Բոբան Ջուրովիչի հետ: Հանդիպման ընթացքում քննարկվեցին Հայաստանի քաղաքներից մեկի հետ գործընկերային կապեր հաստատելու, ապագա համագործակցության, զբոսաշրջության, մշակութային կապերի զարգացման, փոխադարձ այցելությունների հեռանկարները: Դեսպանը քաղաքապետին հանձնեց 1922թ. փետրվարի 15-ին մի խումբ հայ գաղթականների անունից Հակոբ Բելանյանի և Մկրտիչ Տեր-Պողոսյանի կողմից ստորագրված պայմանագրի պատճեն, ըստ որի հայերին հնարավորություն էր տրվում վերաբնակվել Վրնյաչկա Բանյայում: Կողմերն անդրադարձան մյուս տարի քաղաքում այդ իրադարձության հարյուրամյակի նշման հնարավորությանը: Հանդիպմանը ներկա էր նաև հայտնի սերբահայ գործարար, ծագումով Վրնյաչկա Բանյայից, Չեդոմիր Արթինովիչը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր