Հուլիսի 30-ին Սերբիայում ՀՀ դեսպան Աշոտ Հովակիմյանը Սերբիա կատարած աշխատանքային այցի շրջանակներում այցելեց Սոկոբանյա քաղաք

30 հուլիսի, 2021

Հուլիսի 30-ին Սերբիայում ՀՀ դեսպան Աշոտ Հովակիմյանը Սերբիա կատարած աշխատանքային այցի շրջանակներում այցելեց Սոկոբանյա քաղաքը, որտեղ նրան ընդունեցին Սոկոբանյայի քաղաքապետ Միոդրագ Նիկոլիչը և քաղաքային խորհրդի անդամները: Սերբիայի լավագույն հանգստավայր և առողջավայրերից մեկը հանդիսացող Սոկոբանյայի քաղաքային իշխանությունների հետ քննարկվեցին ապագա համագործակցության, զբոսաշրջության, մշակութային կապերի զարգացման, փոխադարձ այցելությունների հեռանկարները:

Դեսպանն այցելեց Սոկոբանյայի մոտակայքի Օզրեն լեռան գագաթին գտնվող Սուրբ հրեշտակապետեր Միքայելի և Գաբրիյելի վանքը, որն ավելի հայտնի է որպես Յերմենչիչ (Հայկական) վանք: Ըստ սերբական ավանադապատումի, այն կառուցվել էր 1392թ. հայ զինորների և եկեղեցականների կողմից, որոնք Կոսովոյի ճակատամարտի ընթացքում գտնվում էին օսմանյան բանակի կազմում, սակայն չցանկանալով պատերազմել քրիստոնյաների դեմ, հեռացել էին և հասնելով Օզրենի գագաթին, այնտեղ էին հաստատվել և վանք կառուցել, որը դարերի ընթացքում հայտնի է դառնում իր Յերմենչիչ անունով:

Դեսպան Հովակիմյանը, ընդգծելով վանքի առանձնահատուկ նշանակությունը հայ-սերբական պատմական և մշակութային առնչություններում, առաջարկեց սկսել 2022թ. հուլիսի 26-ից (վանքի անվանակոչության օրը) և ավանդական դարձնել Յերմենչիչի Հայ-սերբական ամենամյա փառատոնը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր