Ապրիլի 26-ին Պրահայի արքեպիսկոպոս Կարդինալ Դոմինիկ Դուկայի 78-րդ ամյակի կապակցությամբ հայ ժողովրդի վաղեմի բարեկամին այցելեց դեսպան Աշոտ Հովակիմյանը

26 ապրիլի, 2021

Ապրիլի 26-ին Պրահայի արքեպիսկոպոս Կարդինալ Դոմինիկ Դուկայի 78-րդ ամյակի կապակցությամբ հայ ժողովրդի վաղեմի բարեկամին այցելեց դեսպան Աշոտ Հովակիմյանը։ Դեսպանը հղեց ամենաջերմ շնորհավորանքներն ու բարեմաղթանքները Կարդինալին ծննդյան տոնի առթիվ, ապա ևս մեկ անգամ փոխանցեց հայկական կողմի խորին երախտիքը՝ մշտապես հայ ժողովրդի կողքին լինելու, Արցախի հայերի ինքնորոշման և մարդու հիմնարար իրավունքներին հումանիզմի սկզբունքներին ի սատար կանգնելու համար։ Զրուցակիցներն անդրադարձան հայ ռազմագերիների վերադարձի և վտանգված հայկական պատմամշակութային ժառանգության պաշտպանության խնդիրներին, դեպի Արցախ հումանիտար մուտքի շուրջ խոչընդոտներին և թուրքադրբեջանական հայատյաց քաղաքականությանը։ Կարդինալն իր գոհունակությունն արտահայտեց ԱՄՆ նախագահի կողմից Հայոց ցեղասպանության ճանաչման առնչությամբ՝ հույս հայտնելով, որ վերջինիս օրինակին կհետևեն նաև այլ երկրներ և քաղաքական շրջանակներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր