ՀՀ դեսպան Աշոտ Հովակիմյանի հանդիպումը Չեռնոգորիայի արտաքին գործերի նախարար Ջորջե Ռադուլովիչի հետ

21 հունվարի, 2021

Հունվարի 21-ին ՀՀ դեսպան Աշոտ Հովակիմյանին ընդունեց Չեռնոգորիայի արտաքին գործերի նախարար Ջորջե Ռադուլովիչը: Քննարկվեցին երկկողմ հարաբերությունների ակտիվացման հեռանկարները՝ համավարակի հետ կապված ճգնաժամի ավարտից հետո: Պայմանավորվածություն ձեռք բերվեց քաղաքական խորհրդակցությունների անցկացման, իրավապայմանագրային դաշտի ընդլայնման, երկու երկրների քաղաքացիների համար մուտքի արտոնագրերի վերացման, Երևան-Պոդգորիցա մայրաքաղաքների գործընկերության վերականգնման, միջազգային կազմակերպություններում համագործակցության, տնտեսական, մշակութային, զբոսաշրջային կապերի զարգացման վերաբերյալ:

Դեսպանը նախարարին ներկայացրեց Արցախի դեմ ադրբեջանաթուրքական ագրեսիայի մանրամասները և հետևանքները, ստեղծված հումանիտար ճգնաժամի հասցեագրման ուղղությամբ ձեռնարկվող քայլերը, մասնավորապես, ռազմագերիների և պատանդների վերադարձի խնդրի լուծման հրատապությունը, ԵԱՀԿ Մինսկի խմբի համանախագահության շրջանակներում ԼՂ խաղաղ գործընթացի վերականգնման անհրաժեշտությունը:

Չեռնոգորիայի ԱԳՆ-ում դեսպանը հանդիպումներ ունեցավ պետական քարտուղար Լյուբոմիր Միշուրովիչի, երկկողմ հարաբերությունների գլխավոր վարչության տնօրեն Դարկո Ուսկոկովիչի, դիվանագիտական արարողակարգի պետ Զդենկա Ռադուլովիչի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր