Հայ-չեխական տնտեսական հարցերով միջկառավարական հանձնաժողովի հերթական նիստ

14 սեպտեմբերի, 2020

Հաշվի առնելով <<ԿՈՎԻԴ-19>>-ի համավարակի տարածման արդյունքում Հայ-չեխական տնտեսական հարցերով միջկառավարական հանձնաժողովի հերթական նիստի անցկացման հետաձգումը՝ սեպտեմբերի 14-ին հանձնաժողովի համանախագահների՝ ՀՀ Էկոնոմիկայի նախարարի տեղակալ Վարոս Սիմոնյանի ու Չեխիայի արդյունաբերության և առևտրի նախարարի տեղակալ Մարտինա Տաուբերովայի գլխավորությամբ և երկու երկրների դեսպաններ Աշոտ Հովակիմյանի և Բեդրժիխ Կոպեցկու մասնակցությամբ կողմերի միջև անցկացվեց տնտեսական հարցերով առցանց խորհրդակցություն։ Կողմերն անդրադարձան երկու երկրներում Կորոնավիրուսի համավարակով պայմանավորված իրադրությանն ու վիճակագրական տվյալներին, քննարկեցին համավարակի հետևանքների շրջանակներում ձեռնարկված տնտեսական միջոցառումներն ու դրանց արդյունավետությունը, երկկողմ տնտեսական հարաբերությունների ներկայիս վիճակն ու դրանց խթանման հետագա հնարավորությունները։ Պայմանավորվածություն ձեռք բերվեց՝ օգտագործելու հաղորդակցության նման ձևաչափերը՝ կողմերի միջև կապն ակտիվ պահելու և պրակտիկ գործողություններ քննարկելու համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր