ՀՀ դեսպան Աշոտ Հովակիմյանի աշխատանքային այցը Սլովենիա

07 հուլիսի, 2020

Հուլիսի 6-7-ին ՀՀ դեսպան Աշոտ Հովակիմյանը գտնվում էր Սլովենիայում: Դեսպանին ընդունեց հռոմեակաթոլիկ եկեղեցու առաջնորդ, Լյուբլյանայի արքեպիսկոպոս Ստանիսլավ Զորեն, որը համերաշխության և զորակցության խոսքեր ուղղեց Հայաստանին և հայ ժողովրդին՝ մարտահրավերների և վտանգների հաղթահարման և առաջընթացի մաղթանքներով և աղոթքներով:

Դեսպանին ընդունեց նաև Սլովենիայի Ազգային ժողովի նորընտիր նախագահ Իգոր Զորչիչիը: Քննարկվեցին երկու երկրների Խորհրդարանների միջև համագործակցության հեռանկարները, Սլովենիայի խորհրադարանում Սլովենիա- Հայաստան պատգամավորական բարեկամության խմբի ձևավորման, երկկողմ տնտեսական հարաբերությունների զարգացման, երկու երկրներում համավարակի դեմ պայքարի հարցերը: Խորհրդարանում Ա.Հովակիմյանը հանդիպում ունեցավ Արտաքին քաղաքականության հանձնաժողովի նախագահ Մոնիկա Գրեգորչիչի հետ:

Այցի շրջանակներում ՀՀ դեսպանը հանդիպեց Սլովենիայի նախագահի արտաքին հարաբերությունների գծով խորհրդական, դեսպան Սմիլյանա Կնեզին, ԱԳՆ քաղաքական տնօրեն, Ընդհանուր արտաքին և անվտանգության քաղաքականության տնօրինության գլխավոր տնօրեն, դեսպան Յերնեյ Մյուլլերին և ԱԳՆ մի քանի վարչությունների տնօրեններին, քաղաքավարության այցեր կատարեց Լյուբլյանայում նստավայր ունեցող մի շարք դեսպաններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր