Դեսպան Աշոտ Հովակիմյանին ընդունեց Չեխիայի խորհրդարանի Պատգամավորների պալատի նախագահի տեղակալ, Ազատություն և ուղիղ ժողովրդավարություն կուսակցության ղեկավար Տոմիո Օկամուրան

11 հունիսի, 2020

Հունիսի 11-ին դեսպան Աշոտ Հովակիմյանին ընդունեց Չեխիայի խորհրդարանի Պատգամավորների պալատի նախագահի տեղակալ, Ազատություն և ուղիղ ժողովրդավարություն կուսակցության ղեկավար Տոմիո Օկամուրան։ Դեսպանը պարոն Օկամուրային և նրա կուսակցության մի շարք անդամներին շնորհակալություն հայտնեց Հայոց Ցեղասպանության ոգեկոչման 105-րդ տարելիցի կապակցությամբ արձագանքների համար։ Ա.Հովակիմյանը ներկայացրեց Հայաստանում վերջին շրջանում տեղի ունեցած ներքաղաքական զարգացումներն ու բարեփոխումների օրակարգը, քննարկվեցին Հայաստանի աշխարհաքաղաքական դիրքի և արտաքին քաղաքականության առանձնահատկությունները, ինչպես նաև տարածաշրջանում տիրող իրադրությունը։ Կողմերն անդրադարձան նաև կորոնավիրուսի համավարակի տարածման արդյունքում երկրների առջև ծառացած մարտահրավերներին ու դրանց հնարավոր լուծումներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր