ՀՀ դեսպանն այցելել է հոգեբանական-սոցիալական վերականգնման ծրագրով Սլովենիայում գտնվող՝ հայաստանցի անհետ կորածների հայրերին

02 հունիսի, 2026

Հունիսի 2-ին ՀՀ դեսպան Աշոտ Հովակիմյանը տիկնոջ հետ այցելեց զինված հակամարտությունների արդյունքում անհետ կորածների՝ Հայաստանից ժամանած 12 հայրերի, ինչպես նաև նրանց ուղեկցող հոգեբանների խմբին, որը Սլովենիայի Կիդրիչևո ավանում էր գտնվում Սլովենիայի կառավարության ֆինանսական աջակցությամբ՝ «Մարդու անվտանգության խթանում» (ITF) կազմակերպության կողմից իրականացվող հոգեբանական-սոցիալական վերականգնման ծրագրի շրջանակում:

Դեսպանն այցելեց նաև Ստարոշինցեի «Վերադարձ ձիուն» ձիավարժարան, որտեղ Հայաստանից ժամանած խումբը հոգեբանական վերականգնման թերապիա էր անցնում:

Հայաստանցի հյուրերի պատվին ITF կազմակերպության տնօրեն, դեսպան Տոմաժ Լովրենչիչի անունից կազմակերպվել է ընդունելություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր