ՀՀ դեսպանի հանդիպումը Չեխիայի Խորհրդարանում Հայաստանի հետ միջխորհրդարանական բարեկամական խմբի նորընտիր նախագահի հետ

25 մարտի, 2026

Մարտի 25-ին ՀՀ դեսպան Աշոտ Հովակիմյանը հանդիպում ունեցավ Չեխիայի Հանրապետության Խորհրդարանի Պատգամավորների պալատի անդամ, Հայաստանի հետ միջխորհրդարանական բարեկամական խմբի նորընտիր նախագահ Դավիդ Կասալի հետ։

Դեսպանը զրուցակցին ներկայացրեց Հայաստան-Չեխիա հարաբերությունների երկկողմ օրակարգը, հարավկովկասյան տարածաշրջանում կայուն խաղաղության հասնելու ՀՀ հանձնառությունը, տարածաշրջանային կապուղիների ապաշրջափակմանն ուղղված ջանքերը, ինչպես նաև Եվրոպական միության հետ համագործակցության ընդլայնման գործընթացը։ Կողմերն ընդգծեցին նաև միջխորհրդարանական համագործակցության ամրապնդման կարևորությունը և անդրադարձան տարածաշրջանային վերջին զարգացումներին։

Զրուցակիցները կարևորեցին Հայաստանի և Չեխիայի օրենսդիր մարմիններում գործող բարեկամական խմբերի գործունեության ակտիվացման անհրաժեշտությունը: Պայմանավորվածություն ձեռք բերվեց մոտ ապագայում հանդիպում կազմակերպել ՀՀ դեսպանի և բարեկամական խմբի ողջ կազմի մասնակցությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր