ՀՀ դեսպան Աշոտ Հովակիմյանի հանդիպումը Չեխիայի ԱԳՆ Եվրոպայի հարցերով նորանշանակ գլխավոր տնօրենի հետ

20 մարտի, 2026

Մարտի 20-ին ՀՀ դեսպան Աշոտ Հովակիմյանը հանդիպում ունեցավ Չեխիայի Հանրապետության Արտաքին գործերի նախարարության Եվրոպայի հարցերով նորանշանակ գլխավոր տնօրեն Հանա Հուբաչկովայի հետ։

Հանդիպման ընթացքում քննարկվեցին երկու երկրների միջև քաղաքական երկխոսության հետագա խորացման հեռանկարները։ Զրուցակիցներն ընդգծեցին արտաքին քաղաքական գերատեսչությունների միջև միջև կանոնավոր խորհրդակցությունների շարունակականության կարևորությունը։ Կողմերն անդրադարձան նաև տարվա ընթացքում Հայաստանում նախատեսվող բարձր մակարդակի միջազգային միջոցառումներին չեխական կողմի մասնակցությանը։

Դեսպան Հովակիմյանը ներկայացրեց հարավկովկասյան տարածաշրջանում ընթացող վերջին զարգացումները՝ ընդգծելով տարածաշրջանը արդյունավետ և անվտանգ լոգիստիկ հանգույցի վերածելու ուղղությամբ իրականացվող ջանքերը։ Դեսպանը կարևորեց ՀՀ կառավարության «Խաղաղության խաչմերուկ» նախաձեռնության և դրա առանցքային բաղադրիչ հանդիսացող «ԹՐԻՓՓ» նախագծի իրականացումը՝ որպես տարածաշրջանային կապակցվածության և տնտեսական զարգացման խթանման միջոց։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր