ՀՀ դեսպանն ընդունեց «Հայաստանի գեղեցկուհի» 2026 ազգային գեղեցկության մրցույթի հաղթողին

16 մարտի, 2026

Մարտի 16-ին ՀՀ դեսպան Աշոտ Հովակիմյանը տիկնոջ հետ հյուրընկալեցին «Հայաստանի գեղեցկուհի» 2026 ազգային գեղեցկության մրցույթի հաղթող Մոնիկա Արսինե Հարությունյանին ծնողների հետ։

Դեսպանը ջերմորեն շնորհավորեց Մոնիկա Հարությունյանին և մաղթեց նորանոր հաջողություններ, հատկապես, «Միսս Աշխարհ» 73-րդ միջազգային գեղեցկության մրցույթում, որտեղ Մոնիկան կներկայացնի Հայաստանը։

Մոնիկա Արսինե Հարությունյանը ծնվել և մեծացել է Պրահայում։ Մեր գեղեցկուհին Չեխիայի գեղասահքի եռակի չեմպիոն է, և Չեխիայի ազգային հավաքականի կազմում գեղասահքի աշխարհի առաջնության կրկնակի մասնակից։ Նա ավարտել է Պրահայի Կառլի համալսարանը, մասնագիտությամբ ատամնաբույժ է։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր