Սերբիա կատարած աշխատանքային այցի շրջանակներում դեկտեմբերի 8-ին դեսպան Աշոտ Հովակիմյանը հանդիպում է ունեցել Սերբիայի վարչապետի խորհրդական Նեմանյա Դիկովիչի հետ

08 դեկտեմբերի, 2025

Սերբիա կատարած աշխատանքային այցի շրջանակներում դեկտեմբերի 8-ին դեսպան Աշոտ Հովակիմյանը հանդիպում է ունեցել Սերբիայի վարչապետի խորհրդական Նեմանյա Դիկովիչի հետ։ Հանդիպման ընթացքում անդրադարձ է կատարվել երկկողմ հարաբերությունների ներկա դրությանը և ընդգծվել բարձրաստիճան փոխայցելությունների խթանման կարևորությունը։

Դեսպան Հովակիմյանը մասնակցել է նաև Քաղաքականության և տնտեսագիտության միջազգային ինստիտուտի (Institute of International Politics and Economics) կողմից կազմակերպված հանդիսավոր միջոցառմանը, «Աշխարհը 2026-ին» (Svet u 2026) համաժողովին, ինչպես նաև Globsec միջազգային համաժողովների մաս կազմող «Բելգրադյան քննարկումներ» (BelTalks) անդրանիկ համաժողովին, որին ներկա էր նաև Սերբիայի նախագահը։ Համաժողովի ընթացքում դեսպանը կարճ զրույց է ունեցել Սերբիայի վարչապետ Ջուրո Մացուտի հետ։

Այցի շրջանակներում դեսպանը բովանդակալից և ջերմ հանդիպում է ունեցել Սերբիայում Ֆրանսիայի նորանշանակ դեսպան Ֆլորանս Ֆերրարիի հետ։

Պրահայում ՀՀ դեսպանության Բելգրադի գրասենյակում տեղի ունեցավ ՀՀ նախագահի հրամանագրով Հայաստանի Հանրապետության քաղաքացիություն շնորհված քաղաքացու երդմնակալության հանդիսավոր արարողություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր