Աշխատանքային այցով Բելգրադում գտնվող ՀՀ դեսպան Աշոտ Հովակիմյանին ընդունեց Սերբիայի ԱԳՆ փոխնախարար Տամարա Ռաստովաց Սիամաշվիլին

14 հուլիսի, 2025

Հուլիսի 14-ին աշխատանքային այցով Բելգրադում գտնվող ՀՀ դեսպան Աշոտ Հովակիմյանին ընդունեց Սերբիայի ԱԳՆ փոխնախարար Տամարա Ռաստովաց Սիամաշվիլին։

Հանդիպման ընթացքում կողմերն անդրադարձան Հայաստան–Սերբիա երկկողմ հարաբերությունների ներկայիս փուլին։ Շեշտադրվեց բարձր մակարդակի քաղաքական երկխոսության շարունակականության և փոխադարձ հետաքրքրություն ներկայացնող ոլորտներում համագործակցության զարգացման կարևորությունը։ Տարածաշրջանային վերջին զարգացումներին անդրադառնալով՝ դեսպանը ներկայացրեց խաղաղության հաստատման ուղղությամբ Հայաստանի կողմից գործադրած քայլերն ու նախաձեռնությունները՝ հատկապես ընդգծելով Հայաստանի և Ադրբեջանի միջև խաղաղության համաձայնագրի հնարավորինս շուտ կնքման կարևորությունը՝ որպես տարածաշրջանում կայունության և համագործակցության հիմք։

ՀՀ դեսպանը հանդիպում ունեցավ նաև Սերբիայի ԱԳՆ դիվանագիտական արարողակարգի ծառայության պետ Բրանկո Ռադովանովիչի հետ։

Նույն օրը, քաղաքապետ Բոբան Ջուրովիչի հրավերով, դեսպանը մասնակցեց Սերբիայի Վրնյաչկա Բանյա քաղաքի օրվան նվիրված միջոցառումներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր