Բելգրադում տեղի ունեցավ ԷՔՍՊՈ 2027 համաշխարհային ցուցահանդեսի առաջին միջազգային նախապատրաստական հանդիպումը

11 հունիսի, 2025

Հունիսի 11-12-ը Բելգրադում տեղի ունեցավ ԷՔՍՊՈ 2027 համաշխարհային ցուցահանդեսի առաջին միջազգային նախապատրաստական հանդիպումը։ Միջոցառումը կազմակերպվել էր Միջազգային ցուցահանդեսների բյուրոյի (BIE) և Սերբիայի կառավարության կողմից՝ նպատակ ունենալով ներկայացնել ԷՔՍՊՈ-ի կազմակերպչական ընթացքը, ենթակառուցվածքային և տեխնիկական նախապատրաստությունը։

Հայաստանի Հանրապետությունը միջոցառմանը ներկայացնում էին ՀՀ ԿԳՄՍՆ Սպորտի քաղաքականության վարչության քաղաքականության մշակման և վերլուծությունների բաժնի պետ Արթուր Սեդրակյանը և Ժամանակակից արվեստի վարչության գլխավոր մասնագետ Աննա Հարոյանը։ Պատվիրակության կազմում միջոցառմանը մասնակցեց նաև Պրահայում ՀՀ դեսպանության խորհրդական, Բելգրադի գրասենյակի ղեկավար Հայկ Խեմչյանը։

ԷՔՍՊՈ 2027-ը համաշխարհային ցուցահանդես է, որը կանցկացվի Բելգրադում 2027թ․ մայիսի 15-ից օգոստոսի 15-ը՝ «Play for Humanity – Sport and Music for All» խորագրով։ Ակնկալվում է, որ այն կունենա ավելի քան 3 միլիոն այցելու և տաղավարներ ավելի քան 120 երկրից և 10 միջազգային կազմակերպություններից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր