ՀՀ դեսպան Աշոտ Հովակիմյանը մասնակցեց Չեխիայի Վիսոչինայի երկրամասի Սազավա ավանում կազմակերպված միջոցառմանը

08 մայիսի, 2025

Մայիսի 8-ին ՀՀ դեսպան Աշոտ Հովակիմյանը մասնակցեց Չեխիայի Վիսոչինայի երկրամասի Սազավա ավանում կազմակերպված միջոցառմանը, որը նվիրված էր Երկրորդ համաշխարհային պատերազմում Խորհրդային Միության և Արևմտյան դաշնակիցների հաղթանակի 80-ամյակին։ Միջոցառումը կազմակերպել էին Սազավայի համայնքը և ՈՒՐԱՐՏՈՒ հայ-չեխական միությունը։

Դեսպան Հովակիմյանը, Սազավայի համայնքապետ Ֆրանտիշեկ Լեդվինկան, ՈՒՐԱՐՏՈՒ միության նախագահ Ալեքսանդր Սարգսյանը և Վիսոչինա երկրամասում բնակվող բազմաթիվ հայեր ծաղկեպսակներ ու ծաղիկներ զետեղեցին Սազավայի հիվանդանոցում Երկրորդ համաշխարհային պատերազմի ավարտին վախճանված 18-ամյա հայազգի շարքային Արշավիր Դավիդյանի շիրիմին։ Այնուհետև հարգանքի տուրք մատուցվեց պատերազմի չեխ մասնակիցների հիշատակին։ Դեսպան Հովակիմյանը հանդես եկավ ելույթով՝ ընդգծելով օրվա խորհուրդը և շնորհակալություն հայտնելով միջոցառման կազմակերպման համար։

Նույն օրը Վիսոչինա երկրամասի վարչական կենտրոն Յիհլավա քաղաքում դեսպան Հովակիմյանը, Ալեքսանդր Սարգսյանը և տեղի հայ համայնքի ներկայացուցիչները ծաղիկներ զետեղեցին Հայոց ցեղասպանության զոհերի հիշատակին նվիրված խաչքարին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր