ՀՀ դեսպան Աշոտ Հովակիմյանը մասնակցեց Խորվաթիայում հավատարմագրված դիվանագիտական ներկայացուցչությունների ղեկավարների համար Խորվաթիայի Արտաքին և եվրոպական նախարարության կողմից կազմապերկված շրջայցին Օսիյեկ-Բարանյա մարզ

02 մայիսի, 2025

Մայիսի 2-3-ին ՀՀ դեսպան Աշոտ Հովակիմյանը մասնակցեց Խորվաթիայում հավատարմագրված դիվանագիտական ներկայացուցչությունների ղեկավարների համար Խորվաթիայի Արտաքին և եվրոպական նախարարության կողմից կազմապերկված շրջայցին Օսիյեկ-Բարանյա մարզ:

Շրջայցի մեկնարկին տեղի ունեցավ ,,Սպորտային դիվանագիտություն, քաղաքականություն և բրենդավորում,, քննարկումը, որին մասնակցեցին Խորվաթիայի ԱԵԳ նախարար Գորան Գռլիչ Ռադմանը և տարբեր մարզաձևերի ֆեդերացիաների նախագահներ:

Մայիսի 5-ին ՀՀ դեսպանն այցելեց Օսիյեկի քաղաքապետարան, որտեղ հանդիպում կայացավ քաղաքային խորհրդի նախագահ Տիխոմիր Ֆլորիյանչիչի և քաղաքապետարանի տնտեսական և մշակութային վարչությունների տնօրենների հետ: Քննարկվեցին Հայաստանի հետ հնարավոր համագործակցության հեռանկարները: ՀՀ դեսպանը ներկայացրեց Օսիյեկում հայերի վաղեմի ներկայության մասին տեղեկատվությունը, մասնավորապես, այն փաստը, որ քաղաքի առաջին սրճարանը հիմնվել էր 1718թ. հայ առևտրական Հովհաննես Մանուկի կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր