ՀՀ դեսպան Աշոտ Հովակիմյանն աշխատանքային այցով գտնվում էր Զագրեբում

29 հունվարի, 2025

Հունվարի 29-31-ին ՀՀ դեսպան Աշոտ Հովակիմյանն աշխատանքային այցով գտնվում էր Զագրեբում:

Խորվաթիայի Արտաքին և եվրոպական գործերի նախարարությունում դեսպան Հովակիմյանը հանդիպումներ ունեցավ քաղաքական հարցերով պետական քարտուղար Ֆրանո Մատուշիչի, եվրոպական հարցերով պետական քարտուղար Անդրեյա Մետելկո Զգոմբիչի, տնտեսական հարցերի և զարգացման համագործակցության գլխավոր տնօրեն Իռենա Ալայբեգի, Եվրասիայի և Օվկիանիայի վարչության տնօրեն Դունյա Սիչայայի հետ:

Հանդիպումների ընթացքում քննարկվեցին երկկողմ հարաբերությունների հետագա ակտիվացման և ընդլայնման, բարձրաստիճան այցերի կազմակերպման հեռանկարները, Հարավային Կովկասում և Արևմտյան Բալկաններում տեղի ունեցող զարգացումները, միջազգային հարթակներում համագործակցությունը։

Դեսպան Հովակիմյանը ներկայացրեց Հարավային Կովկասում անվտանգային իրավիճակը, Հայաստան-Ադրբեջան հարաբերությունների կարգավորման գործընթացի վերաբերյալ հայկական կողմի դիրքորոշումները, ՀՀ կառավարության կողմից մշակված «Խաղաղության խաչմերուկ» նախագիծը։

Դեսպան Հովակիմյանը հանդիպում ունեցավ նաև Խորվաթիայի Ներքին գործերի նախարարության Քաղաքացիական պաշտպանության վարչության տնօրեն Դամիր Տրուտի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր