ՀՀ դեսպան Աշոտ Հովակիմյանը Լյուբլյանայում հանդիպումներ ունեցավ Սլովենիայի Արտաքին և Եվրոպական գործերի նախարարությունում

14 հունվարի, 2025

Հունվարի 14-ին ՀՀ դեսպան Աշոտ Հովակիմյանը Լյուբլյանայում հանդիպումներ ունեցավ Սլովենիայի Արտաքին և Եվրոպական գործերի նախարարության Բազմակողմ հարաբերությունների, տնտեսական դիվանագիտության և զարգացման համագործակցության պետական քարտուղար Մելիտա Գաբրիչի, Գլխավոր քարտուղարի պաշտոնակատար Բարբարա Ժվոկելյի, Արևելյան Եվրոպայի, Հարավային Կովկասի և Կենտրոնական Ասիայի վարչության տնօրեն Անդրեա Պուրկարտ Մարտինեզի, Սլովենիա-Հայաստան խորհրդարանական բարեկամության խմբի ղեկավար Դեյան Պրեմիկի հետ:

Հանդիպումների ընթացքում քննարկվեցին երկկողմ հարաբերությունների հետագա ակտիվացման և ընդլայնման, բարձրաստիճան այցերի կազմակերպման հեռանկարները, Հարավային Կովկասում և Արևմտյան Բալկաններում տեղի ունեցող զարգացումները, միջազգային հարթակներում համագործակցությունը։

Դեսպան Հովակիմյանը ներկայացրեց Հարավային Կովկասում անվտանգային իրավիճակը, Հայաստան-Ադրբեջան հարաբերությունների կարգավորման գործընթացի վերաբերյալ հայկական կողմի դիրքորոշումները, ինչպես նաև ՀՀ կառավարության կողմից մշակված «Խաղաղության խաչմերուկ» նախագիծը։

Անդրադառնալով «ԵՄ-ին ՀՀ անդամակցելու գործընթացի մեկնարկի մասին» օրինագծին` ՀՀ դեսպանը նշել է, որ ՀՀ կառավարության կողմից տրված դրական եզրակացությունը համահունչ է ԵՄ և անդամ պետությունների հետ ՀՀ փոխգործակցության խորացման տեմպերին և ՀՀ քաղաքացիների եվրոպական ձգտումներին:

Հունվարի 15-ին դեսպան Հովակիմյանին ընդունեցին CosiLab ընկերություն գործադիր տնօրեն Մարկ Պլեշկոն և «Եվրոպական հեռանկարների կենտրոն» կազմակերպության գործադիր տնօրեն Նինա Չեպոնը, որոնց հետ քննարկվեցին ՀՀ հետ համագործակցության հնարավորությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր