ՀՀ դեսպան Աշոտ Հովակիմյանը հանդիպումներ ունեցավ Բելգրադում

18 դեկտեմբերի, 2024

Դեկտեմբերի 18-ին ՀՀ դեսպան Աշոտ Հովակիմյանը Բելգրադում հանդիպումներ ունեցավ Սերբիայի ԱԳՆ գլխավոր քարտուղար Դուշան Կոզարևի, ԵՄ հարցերով նախարարի տեղակալ Միլոշ Տոդորովիչի, ինչպես նաև Սերբիայի կառավարության՝ Հանրային և մշակութային դիվանագիտության գրասենյակի ղեկավար Արնո Գույոնի հետ։

Քննարկումների ընթացքում անդրադարձ կատարվեց Հայաստանի և Սերբիայի միջև երկկողմ հարաբերությունների ներկա վիճակին և դրանց զարգացման հեռանկարներին։ Դեսպան Հովակիմյանը ներկայացրեց Հարավային Կովկասում անվտանգային իրավիճակը, Հայաստանի և Ադրբեջանի միջև հարաբերությունների կարգավորման ընթացքը և ՀՀ կառավարության նախաձեռնած «Խաղաղության խաչմերուկ» ծրագիրը։ Եվրոպական Միության հարցերով նախարարի տեղակալի հետ պայմանավորվածություն ձեռք բերվեց՝ Եվրոպական Միությանն ինտեգրման հարցերով խորհրդակցություններ անցկացնել:

Նույն օրը դեսպանը հանդիպում ունեցավ նաև Սերբիայի Ազգային ժողովի Սերբիա-Հայաստան բարեկամության խմբի նախագահ Ալեքսանդր Չոտրիչի և խմբի անդամների հետ։ Կողմերը քննարկեցին միջխորհրդարանական համագործակցության խորացմանն ուղղված քայլերը և փոխգործակցության նոր հնարավորությունները։

Դեսպանն այցելեց նաև Եվրոպական Ուսումնասիրությունների Ինստիտուտ (Institut za evropske studije – IES), որտեղ հանդիպեց տնօրեն Սլոբոդան Զեչևիչի հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր