ՀՀ դեսպան Աշոտ Հովակիմյանին ընդունեց Սերբիայի Ազգային Ժողովի նախագահ Անա Բրնաբիչը

17 դեկտեմբերի, 2024

Դեկտեմբերի 17-ին Բելգրադում ՀՀ դեսպան Աշոտ Հովակիմյանին ընդունեց Սերբիայի Ազգային Ժողովի նախագահ Անա Բրնաբիչը։

Հանդիպման ընթացքում կողմերն ընդգծեցին Հայաստանի և Սերբիայի միջև քաղաքական երկխոսության ակտիվացման և փոխադարձ այցերի կազմակերպման, միջխորհրդարանական կապերի հետագա զարգացման, տարբեր այլ ոլորտներում համագործակցության կարևորությունը:

Դեսպան Հովակիմյանը ներկայացրեց Հարավային Կովկասում անվտանգային իրավիճակը, Հայաստանի և Ադրբեջանի միջև հարաբերությունների կարգավորման գործընթացում առկա վերջին զարգացումները, ինչպես նաև ՀՀ կառավարության՝ «Խաղաղության խաչմերուկներ» ծրագիրը:

Նույն օրը դեսպան Աշոտ Հովակիմյանին հյուրընկալեց նաև Սերբիայի Ազգային Ժողովի փոխնախագահ, արտաքին հարաբերությունների հանձնաժողովի նախագահ Մարինա Ռագուշը։ Հանդիպման ընթացքում շեշտվեց հայ-սերբական խորհրդարանական դիվանագիտության ակտիվացման կարևորությունը՝ որպես երկկողմ հարաբերությունների զարգացման և ամրապնդման կարևոր գործիք։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր