ՀՀ դեսպան Աշոտ Հովակիմյանը ներկա գտնվեց «Վաղ քրիստոնեական շրջանի հայկական քանդակը բյուզանդական արվեստի համատեքստում» դասախոսությունների շարքի ամփոփիչ դասախոսությանը

22 նոյեմբերի, 2024

Նոյեմբերի 22-ին ՀՀ դեսպան Աշոտ Հովակիմյանը Բռնոյի Մասարիկի համալսարանի Արվեստների ֆակուլտետում ներկա գտնվեց Երևանի պետական համալսարանից (ԵՊՀ) հրավիրյալ պրոֆեսոր Զարուհի Հակոբյանի՝ «Վաղ քրիստոնեական շրջանի հայկական քանդակը բյուզանդական արվեստի համատեքստում» դասախոսությունների շարքի ամփոփիչ դասախոսությանը:

Դասախոսությունների շարքը կազմակերպվել է Մասարիկի համալսարանի Արվեստների ֆակուլտետի և Չեխիայում ՀՀ դեսպանության միջև հաստատված՝ ՀՀ կրթության, գիտության, մշակույթի և սպորտի նախարարության ֆինանսական աջակցությամբ համագործակցության ծրագրի շրջանակներում, որի նպատակն է նպաստել Հայաստանի հարուստ մշակութային ժառանգության մասին իրազեկմանը:

Այցի ընթացքում դեսպանը հանդիպեց նաև Արվեստների ֆակուլտետի դեկան Իրենա Ռադովային՝ քննարկելու հետագա համագործակցության հնարավորությունները։ Երկու կողմերը պատրաստակամություն են հայտնել կապերի ամրապնդման և ակադեմիական փոխանակման նոր ուղիներ որոնելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր