ՀՀ դեսպան Աշոտ Հովակիմյանը ներկա գտնվեց Բելգրադի BEMUS երաժշտական փառատոնի շրջանակներում Վոյևոդինայի սիմֆոնիկ նվագախմբի համերգին

24 հոկտեմբերի, 2024

Հոկտեմբերի 24-ին ՀՀ դեսպան Աշոտ Հովակիմյանը ներկա գտնվեց Բելգրադի BEMUS երաժշտական փառատոնի շրջանակներում՝ Սերբիայում Հայաստանի դեսպանության հովանու ներքո անցկացվող և Հայաստանի և Սերբիայի միջև դիվանագիտական հարաբերությունների 30-ամյակին նվիրված՝ Վոյևոդինայի սիմֆոնիկ նվագախմբի համերգին։ Նվագախումբը ղեկավարում էր Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը, իսկ որպես մենակատար փայլուն կատարումով հանդես եկավ երիտասարդ դաշնակահարուհի Եվա Գևորգյանը։

Երեկոյի ընթացքում հնչեցին Սերգեյ Ռախմանինովի Դաշնամուրի թիվ 3 կոնցերտը և Դմիտրի Շոստակովիչի 10-րդ սիմֆոնիան։

ՀՀ դեսպանի հրավերով՝ համերգին ներկա էին Սերբիայում Ֆրանսիայի և Ռումինիայի դեսպանները, խորհրդարանի անդամ Իվանա Ստամատովիչը, սերբ արվեստագետներ և լրագրողներ, սերբահայ համայնքի ներկայացուցիչներ:

Հոկտեմբերի 26-ին Սերգեյ Սմբատյանի ղեկավարությամբ Վոյևոդինայի սիմֆոնիկ նվագախումբը և Եվա Գևորգյանը ելույթ ունեցան նաև Նովի Սադում անցկացվող Nomus երաժշտական փառատոնի շրջանակներում կայացած համերգին, որին ներկա գտնվեց Պրահայում ՀՀ դեսպանության Բելգրադի գրասենյակի ղեկավար, խորհրդական Հայկ Խեմչյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր