ՀՀ դեսպան Աշոտ Հովակիմյանն աշխատանքային այցով գտնվում էր Զագրեբում

07 հոկտեմբերի, 2024

Հոկտեմբերի 7-ին ՀՀ դեսպան Աշոտ Հովակիմյանն աշխատանքային այցով գտնվում էր Զագրեբում, որտեղ հանդիպում ունեցավ Խորվաթիայի Արտաքին և եվրոպական գործերի նախարարության Քաղաքական հարցերով գլխավոր տնօրեն Պետար Միխատովի հետ:

Դեսպան Հովակիմյանը ներկայացրեց Հարավային Կովկասում անվտանգային իրավիճակը, Հայաստանի և Ադրբեջանի միջև հարաբերությունների կարգավորման գործընթացում առկա վերջին զարգացումները:

Քննարկվեցին երկկողմ հարաբերությունների հետագա ակտիվացման և ընդլայնման, Հարավային Կովկասում և Արևմտյան Բալկաններում տեղի ունեցող զարգացումները, միջազգային հարթակներում համագործակցությունը։

Նույն օրը դեսպան Հովակիմյանն այցելեց «IGH ինստիտուտ» խորվաթական ինժեներաշինարարական ընկերություն, որն ընթացիկ տարվա հունիս ամսին ՀՀ Քաղաքաշինության կոմիտեի հետ ստորագրել է փոխըմբռնման հուշագիր՝ քաղաքաշինության ոլորտում համագործակցության նպատակով։ «IGH ինստիտուտ»-ի կառավարման խորհրդի տնօրեն Ռոբերտ Պետրոսյանի հետ քննարկվեցին հետագա համագործակցությանն առնչվող հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր