ՀՀ դեսպան Աշոտ Հովակիմյանը Լյուբլյանայում հանդիպումներ ունեցավ Սլովենիայի Արտաքին և եվրոպական գործերի նախարարությունում

04 հոկտեմբերի, 2024

Հոկտեմբերի 4-ին ՀՀ դեսպան Աշոտ Հովակիմյանը Լյուբլյանայում հանդիպումներ ունեցավ Սլովենիայի Արտաքին և եվրոպական գործերի նախարարության Քաղաքական հարցերի տնօրինության գլխավոր տնօրեն Մատեյա Նորչիչ Շտամցարի, Բազմակողմ համագործակցության տնօրինության գլխավոր տնօրեն Բոժենա Ֆորշտնարիչ Բորոյեի և Արևելյան Եվրոպայի, Հարավային Կովկասի և Կենտրոնական Ասիայի վարչության նորանշանակ պետ Անդրեա Պուրկարտ Մարտինեզի հետ:

Նույն օրը դեսպան Հովակիմյանին ընդունեցին Սլովենիայի Պաշտպանության նախարարության պաշտպանական քաղաքականության տնօրինության գլխավոր տնօրեն Ռոլանդ Ժելը և «Ֆինանսական ոլորտում գերազանցության կենտրոն» միջազգային կազմակերպության տնօրեն Յանա Ռեպանշեկը:

Դեսպան Հովակիմյանը ներկայացրեց Հարավային Կովկասում անվտանգային իրավիճակը, Հայաստանի և Ադրբեջանի միջև հարաբերությունների կարգավորման գործընթացում առկա վերջին զարգացումները:

Հանդիպումների ընթացքում քննարկվեցին երկկողմ հարաբերությունների հետագա ակտիվացման և ընդլայնման, ներառյալ բարձրաստիճան այցերի կազմակերպման հեռանկարները, Հարավային Կովկասում և Արևմտյան Բալկաններում տեղի ունեցող զարգացումները, միջազգային հարթակներում համագործակցությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր