Պրահայի Ֆրանսիական ինստիտուտում տեղի ունեցավ Շարլ Ազնավուրի 100-րդ տարեդարձին նվիրված հուշ-երեկո

01 հոկտեմբերի, 2024

Հոկտեմբերի 1-ին Պրահայի Ֆրանսիական ինստիտուտում տեղի ունեցավ Շարլ Ազնավուրի 100-րդ տարեդարձին նվիրված հուշ-երեկոն: Միջոցառումը կազմակերպվել է Չեխիայում Հայաստանի և Ֆրանսիայի դեսպանությունների կողմից՝ Ֆրանսիական ինստիտուտի հետ համատեղ:

Ողջույնի խոսքով հանդես եկան Չեխիայում ՀՀ դեսպան Աշոտ Հովակիմյանը և Ֆրանսիայի դեսպան Ստեֆան Կրուզան, որին հետևեց «Ազնավուրը և նրա աշխարհը» վավերագրական ֆիլմի ցուցադրությունը և Ռիչարդ Իհուելի ու Տոմաշ Յոխմանի համերգը, ովքեր ներկայացրել են Ազնավուրի ամենահայտնի և սիրված երգերը:

Միջոցառմանը ներկա էին Չեխիայում հավատարմագրված դիվանագիտական ներկայացուցչությունների ղեկավարներ, դիվանագիտական կորպուսի անդամներ, չեխ հասարակական-քաղաքական, գիտական, մշակութային, շրջանակների, հայ համայնքի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր