Բելգրադի Հիլթոն հյուրանոցում տեղի ունեցավ ընդունելություն՝ նվիրված Հայաստանի Հանրապետության Անկախության 33-րդ տարեդարձին

24 սեպտեմբերի, 2024

Սեպտեմբերի 24-ին Բելգրադի Հիլթոն հյուրանոցում տեղի ունեցավ ընդունելություն՝ նվիրված Հայաստանի Հանրապետության Անկախության 33-րդ տարեդարձին, Հայաստանի և Սերբիայի միջև դիվանագիտական հարաբերությունների հաստատման 30-ամյակին, ինչպես նաև Պրահայում ՀՀ դեսպանության Բելգրադի գրասենյակի բացմանը:

Միջոցառմանը ներկա էին Սերբիայի ԱԺ փոխնախագահներ Յովան Յանյիչը և Էդին Ջերլեկը, Եվրոպական հարցերով նախարարի տեղակալ Միրոսլավ Գաչինովիչը, Սերբիայում հավատարմագրված դիվանագիտական ներկայացուցչությունների բազմաթիվ ղեկավարներ, Սերբիայի ԱԺ պատգամավորներ, գիտական, մշակութային, հասարակական շրջանակների, հայ համայնքի ներկայացուցիչներ:

Ներկաներին ուղղված ողջույնի իր ելույթում Սերբիայում ՀՀ դեսպան Աշոտ Հովակիմյանն անդրադարձավ ՀՀ արտաքին քաղաքական առաջնահերթություններին, անվտանգային օրակարգային հարցերին, ինչպես նաև հայ-սերբական հարաբերությունների զարգացման հեռանկարներին:

Շառլ Ազնավուրի հիշատակին՝ նրա 100-ամյակի կապակցությամբ՝ դեսպանի ելույթին հաջորդեցին աշխարհահռչակ շանսոնյեյի երգերը՝ սերբ երիտասարդ տաղանդավոր երգչուհի Դորա Վրանկովիչի կատարմամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր