ՀՀ դեսպան Աշոտ Հովակիմյանի Բելգրադ այցի շրջանակներում հանդիպումները

22 հուլիսի, 2024

Հուլիսի 22-ին Բելգրադում ՀՀ դեսպան Աշոտ Հովակիմյանը հանդիպումներ ունեցավ Սերբիայի Արտաքին գործերի նախարարության նորանշանակ պետական քարտուղար Դամյան Յովիչի, Դիվանագիտական արարողակարգի պետ Բրանկո Ռադովանովիչի և Ռուսաստանի և Եվրասիայի վարչության տնօրեն Միլան Միլոշևիչի հետ։

Հանդիպումների ընթացքում երկուստեք անդրադարձ է կատարվել Հայաստանի և Սերբիայի միջև երկկողմ հարաբերություններին և դրանց զարգացման հնարավոր հեռանկարներին՝ ընդգծելով երկու երկրների միջև դիվանագիտական հարաբերությունների հաստատման 30-ամյակի տարում Բելգրադում դիվանագիտական գրասենյակի բացման խորհրդանշական լինելը։

Հանդիպումների ընթացքում դեսպան Հովակիմյանը զրուցակիցներին պաշտոնապես ներկայացրեց Պրահայում ՀՀ դեսպանության Բելգրադի նորաստեղծ գրասենյակի ղեկավար Հայկ Խեմչյանին։

Բելգրադ այցի շրջանակներում դեսպան Հովակիմյանը հարցազրույց է տվել Vesti հեռուստաընկերությանը, որը հասանելի է հետևյալ հղմամբ։ https://www.facebook.com/ArmenianEmbassyPrague/videos/2797072597124670/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր