Դեսպանությունը մասնակցեց Լիդիցեի կերպարվեստի մանկական միջազգային 52-րդ ցուցահանդեսի բացման և մրցանակաբաշխության արարողությանը

30 մայիսի, 2024

Մայիսի 30-ին դեսպանության երկրորդ քարտուղար Արամ Քարամյանը և երրորդ քարտուղար Զոյա Թովմասյանը մասնակցեցին Լիդիցեի կերպարվեստի մանկական միջազգային 52-րդ ցուցահանդեսի բացման և մրցանակաբաշխության արարողությանը։ Ցուցահանդեսին, որի այս տարվա բնաբանն էր՝ ՙՙՔարավան,, մասնակցելու համար իրենց գործերն են ներկայացրել ավելի քան 12.000 երեխաներ աշխարհի 81 երկրներից։ Հայաստանից ներկայացվել է 142 աշխատանք Երևանի, Կապանի և Դիլիջանի արվեստի դպրոցներից:

Կապանի մանկական գեղարվեստական դպրոցի 12-ամյա աշակերտուհի Կարոլինա Շահբարյանն արժանացավ մեդալի: Մեդալ ստացավ նաև Հովհաննես Շարամբեյանի անվան Դիլիջանի արվեստի դպրոցը՝ իր նկարների հավաքածոյի համար, ևս 3 մասնակից Հայաստանից արժանացան խրախուսանքի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր