ՀՀ դեսպան Աշոտ Հովակիմյանը հյուրընկալեց Տերյան մշակութային կենտրոնի տնօրեն Լիլիթ Մելիքյանին և հայ արվեստագետներին

27 մայիսի, 2024

Մայիսի 27-ին ՀՀ դեսպան Աշոտ Հովակիմյանը հյուրընկալեց մայիսի 24-26-ը ՉԱՐՄ չեխ-հայկական մշակութային միության նախաձեռնությամբ անցկացված «Հայկական մշակույթի օրեր»-ի կապակցությամբ Պրահա ժամանած Տերյան մշակութային կենտրոնի տնօրեն Լիլիթ Մելիքյանին և հայ արվեստագետներին: Քննարկվել են Տերյան մշակութային կենտրոնի հետ համագործակցության հեռանկարներն ու համատեղ միջոցառումների անցկացման հնարավորությունները:

Մայիսի 26-ին ՀՀ դեսպանն այցելեց ՉԱՐՄ միության կողմից Պրահայի Ազգային փոքրամասնությունների տանը ներկայացված տարազների ու գեղանկարների ցուցադրությունը: Նույն օրը դեսպանության երկրորդ քարտուղար Արամ Քարամյանը Պրահայի Սուրբ Հոգի եկեղեցում ներկա գտնվեց հայ տաղանդաշատ սոպրանո Վարինե Մկրտչյանի՝ Կոմիտաս Վարդապետին նվիրված մենահամերգին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր