Չեխիայում ՀՀ դեսպանությունում կազմակերպվել է հանդիպում Չեխիայի հայ համայնքի ներկայացուցիչների հետ

22 մարտի, 2024

Մարտի 22-ին ՀՀ դեսպան Աշոտ Հովակիմյանի հրավերով՝ Չեխիայում ՀՀ դեսպանությունում, ՀՀ Սփյուռքի գործերի գլխավոր հանձնակատարի գրասենյակի ղեկավար Մուշեղ Ղուկասյանի գլխավորած պատվիրակության Պրահայում գտնվելու կապակցությամբ, կազմակերպվել է հանդիպում Չեխիայի հայ համայնքի ներկայացուցիչների հետ և ընդունելություն: Հանդիպմանը ներկա են գտնվել Հայ Առաքելական եկեղեցու Չեխիայի, Հունգարիայի եւ Սլովակիայի հոգևոր հովիվ Բարսեղ վարդապետ Փիլավչյանը, համայնքային կառույցների և միությունների անդամներ:

Հանդիպման սկզբում ներկաներին ողջույնի խոսքով դիմեց ՀՀ դեսպան Աշոտ Հովակիմյանը, ներկայացնելով հանդիպման նպատակը, այնուհետև՝ Սփյուռքի գործերի գլխավոր հանձնակատարի գրասենյակի ղեկավարը ներկայացրեց գրասենյակի կողմից իրականացվող ծրագրերը: Ելույթներին հետևած հարցուպատասխանի ձևաչափով քննարկման ընթացքում՝ ՀՀ դեսպանը և գրասենյակի ղեկավարը պատասխանել են ներկաներին հուզող հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր