Բելգրադում և Նովի Սադում տեղի ունեցան արարողություններ

12 դեկտեմբերի, 2023

Դեկտեմբերի 12-ին Բելգրադում և Նովի Սադում տեղի ունեցան արարողություններ՝ ի հիշատակ 1988թ. Սպիտակի աղետալի երկրաշարժի օրերին Հայաստանին հումանիտար օգնություն տեղափոխելու ընթացքում զոհված սերբ օդաչուներ Վլադիմիր էրչիչի, Պրեդրագ Մարինկովիչի, Միլենկո Սիմիչի, Միլան Միչիչի, Բորիշա Մոսուրովիչի, Միլիսավ Պետրովիչի և Յովան Զիսովի:

Զեմունում տեղադրված հայկական խաչքարին Սերբիայում ՀՀ դեսպանության կողմից հարգանքի տուրք մատուցեց և ծաղկեպսակ զետեղեց երկրորդ քարտուղար Արամ Քարամյանը, սերբական կողմից՝ Սերբիայի ռազմաօդային ուժերի և հակաօդային պաշտպանության հրամանատար, գեներալ-լեյտենանտ Դուշկո Ժառկովիչը:

Հարգանքի տուրքի մատուցմանը ներկա էին զոհված օդաչուների հարազատները, սերբահայ համայնքի ներկայացուցիչները։

Օրվա երկրորդ կեսին Ա. Քարամյանը և Նովի Սադի քաղաքապետարանի ներկայացուցիչը հարգանքի տուրք մատուցեցին և ծաղկեպսակներ զետեղեցին քաղաքի կենտրոնում, նախկին հայկական եկեղեցու տարածքում, ի հիշատակ սերբ օդաչուների տեղադրված խաչքարին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր