ՀՀ դեսպան Աշոտ Հովակիմյանը մասնակցեց Կրալուպի նադ Վլտավոու քաղաքում «Հայաստանի օրվան» նվիրված միջոցառմանը

16 սեպտեմբերի, 2023

Սեպտեմբերի 16-ին ՀՀ դեսպան Աշոտ Հովակիմյանը մասնակցեց Կրալուպի նադ Վլտավոու քաղաքում «Հայաստանի օրվան» նվիրված միջոցառմանը: Դեսպանը հանդիպում ունեցավ Կրալուպի նադ Վլտավոուի քաղաքապետ Լիբոր Լեսակի հետ; երկուստեք ընդգծվեց քաղաքապետարանի և քաղաքում բնակվող հայության միջև սերտ համագործակցության կարևորությունը՝ Հայաստանի և հայկական մշակույթի մասին իրազեկվածության բարձրացման համար:

ՀՀ դեսպանը ծաղիկներ զետեղեց Կրալուպի նադ Վլտավոու քաղաքի Հուսի այգում տեղակայված հայկական խաչքարին, հանդիպեց քաղաքում բնակվող և Չեխիայի տարբեր քաղաքներից ժամանած հայերի հետ: Տեղի ունեցավ քաղաքում արդեն մոտ մեկ ամիս գործող՝ հայկական պատմամշակութային ժառանգությանը, տեսարժան վայրերին և ականավոր գործիչներին նվիրված և չեխ արվեստագետ Յիրժի Կրալիկի կողմից կազմակերպված ցուցահանդեսի պաշտոնական փակման արարողությունը, որին հետևեցին սլովակահայ հայտնի երգչուհի Կարին Սարգսյանի համերգը և Դինա Հակոբյանի կողմից ղեկավարած ,,Դվին՚՚ պարային համույթի ելույթը:

Միջոցառմանը ներկա են գտնվել Կրալուպի նադ Վլտավոուի քաղաքապետ Լիբոր Լեսակը և սենատոր Դավիդ Սմոլյակը, բազմաթիվ հայեր Կրալուպի նադ Վլտավոու և այլ քաղաքներից: Այն նվիրված էր ՀՀ Անկախության օրվան և Հայաստանի և Չեխիայի միջև դիվանագիտական հարաբերությունների հաստատման 30-ամյակին և անց է կացվել Չեխիայում ՀՀ դեսպան Աշոտ Հովակիմյանի, Կենտրոնական Բոհեմիայի երկրամասի ղեկավար Պետրա Պեցկովայի և Կրալուպի նադ Վլտավոուի քաղաքապետ Լիբոր Լեսակի պատվավոր հովանու ներքո:

Դեսպանությունը հատուկ շնորհակալություն է հայտնում Յիրժի Կրալիկին, Թելման Ներսիսյանին, Կարին Սարգսյանին, Դինա Հակոբյանին և Կրալուպի նադ Վլտավոու քաղաքում գործող ,,Պարտեզ՚՚ սրճարանին՝ միջոցառումը բարձր մակարդակով կազմակերպելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր