Պրահայի Ռուդոլֆինում համերգասրահում կայացել է հայ տաղանդաշատ սոպրանո, 2022թ. Օպերալիա միջազգային մրցույթի Առաջին մրցանակակիր Ջուլիանա Գրիգորյանի, չեխ տենոր Պետր Նեկորանեցի և բարիտոն Բորիս Պրիգլի մասնակցությամբ փայլուն համերգը

26 հունիսի, 2023

Հունիսի 26-ին Պրահայի Ռուդոլֆինում համերգասրահում կայացել է հայ տաղանդաշատ սոպրանո, 2022թ. Օպերալիա միջազգային մրցույթի Առաջին մրցանակակիր Ջուլիանա Գրիգորյանի, չեխ տենոր Պետր Նեկորանեցի և բարիտոն Բորիս Պրիգլի մասնակցությամբ փայլուն համերգը՝ Պրահայի ֆիլհարմոնիկ նվագախմբի նվագակցությամբ: Հնչել են չեխ մեծանուն կոմպոզիտոր Անտոնին Դվորժակի «Ջրահարս» և իտալական օպերաներից հատվածներ, իսկ համերգի ավարտին Ջուլիանա Գրիգորյանն ակապելա կատարեց Կոմիտաս վարդապետի օրորոցայինը, որն արժանավ հանդիսատեսների հիացմունքին:

Համերգն անցկացվել է Հայաստանի և Չեխիայի միջև դիվանագիտական հարաբերությունների հաստատման 30-ամյակին նվիրված միջոցառումների շրջանակներում՝ Չեխիայում ՀՀ դեսպան Աշոտ Հովակիմյանի պատվավոր հովանու ներքո:

Շնորհակալություն ենք հայտնում Nachtigall Artists Management-ին համագործակցության համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր