Ծաղկեպսակների զետեղման արարողություն Հայոց ցեղասպանության 108-րդ տարելիցի կապակցությամբ

19 ապրիլի, 2023

Ապրիլի 19-ին Բելգրադում, Հայոց ցեղասպանության 108-րդ տարելիցի կապակցությամբ, Զեմունի այգու Սուրբ Միքայել և Գաբրիյել Հրեշտակապետերի եկեղեցու առջև տեղադրված հայկական խաչքարի մոտ տեղի ունեցավ ծաղկեպսակների զետեղման արարողություն՝ ի հիշատակ Հայոց Ցեղասպանության զոհերի:

Արարողությունը, որին ներկա էին Սերբիայում Ֆրանսիայի և Կիպրոսի դեսպանները, ԱՄՆ, Ռուսաստանի Դաշնության, Գերմանիայի և Հունաստանի փոխդեսպանները, Հայաստանում Սերբիայի դեսպան Տատյանա Պանայոտովիչ Ցվետկովիչը ամուսնու հետ, Սերբիայի խորհրդարանում Սերբիա-Հայաստան խորհրդարանական բարեկամության խմբի նախագահ Ալեքսանդար Չոտրիչը, բազմաթիվ սերբահայեր և Հայաստանի սերբ բարեկամներ, կազմակերպել էին Սերբիայում ՀՀ դեսպանությունը և Վրնյաչկա Բանյայի հայերի միությունը:

ՀՀ դեսպան Աշոտ Հովակիմյանը և Վրնյաչկա Բանյայի հայերի միության նախագահ Չեդոմիր Արտինովիչը, դեսպանությունների, հասարակական կազմակերպությունների ներկայացուցիչները ծաղկեպսակներ և ծաղիկներ զետեղեցին խաչքարին։ ՀՀ դեսպանը ներկաներին դիմեց օրվա խորհրդին նվիրված ուղերձով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր