ՀՀ դեսպան Աշոտ Հովակիմյանը մասնակցեց Դուբրովնիկ քաղաքի տոնին

02 փետրվարի, 2023

Փետրվարի 2-3-ին Դուբրովնիկի քաղաքապետի հրավերով ՀՀ դեսպան Աշոտ Հովակիմյանը մասնակցեց Դուբրովնիկ քաղաքի տոնին՝ Սուրբ Վլախի (Սուրբ Վլասիուսի) 1051-րդ Փառատոնին:

Սուրբ Բլասիուսը (Վլասիուսը, Վլախը)՝ Սեբաստիա քաղաքի 4-րդ դարի սկզբի հայ եպիսկոպոս էր, որը նահատակվելուց հետո, հռչակվեց համաքրիստոնեական սուրբ: Հայազգի եպիսկոպոսը դարեր հետո դարձավ Դուբրովնիկի հիմնական սուրբը, քաղաքի պահապանը, այն պատկերված է քաղաքի դրոշի վրա, նրա քանդակները տեղադրված են քաղաքի բոլոր անկյուններում: Դուբրովնիկի Սուրբ Վլախի եկեղեցում են այսօր պահվում հայ սրբի գլուխը, կոկորդը, աջ և ձախ ձեռքերն ու ոտքը։ Քաղաքում բոլորը գիտեն, որ նրանց սուրբ Վլախը՝ հայ էր, որի մասին տասնյակ հազարավոր հավաքվածներին հիշեցրեց հանդիսավոր պատարագի իր քարոզում Սարայևոյի արքեպիսկոպոս Տոմո Վուկշիչը:

ՀՀ դեսպանը ներկա գտնվեց Փառատոնի բացման արարողությանը, հանդիսավոր պատարագին և թափորին, Դուբրովնիկի քաղաքապետի կողմից տրված ընդունելությանը:

Փետրվարի 3-ին ՀՀ դեսպանին ընդունեցին Դուբրովնիկի քաղաքապետ Մատո Ֆրանկովիչը և քաղաքային խորհրդի նախագահ Մարկո Պոտրեբիցան: Հանդիպման ընթացքում երկուստեք գոհունակությամբ արձանագրվեցին Սուրբ Վլախի տոնակատարություններին ՀՀ դեսպանի մշտական մասնակցությունը, քննարկվեին Դուբրովնիկի և Գյումրիի միջև գործընկերային հարաբերությունների հաստատման և Դուբրովնիկի քաղաքապետի գլխավորած պատվիրակության ՀՀ այցելության ծրագրերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր