ՀՀ դեսպան Աշոտ Հովակիմյանին ընդունել է Պրահա 6-ի նորընտիր համայնքապետ Յակուբ Ստարեկը

26 հունվարի, 2023

Հունվարի 26-ին ՀՀ դեսպան Աշոտ Հովակիմյանին ընդունեց Պրահա 6-ի նորընտիր համայնքապետ Յակուբ Ստարեկը: Դեսպանը շնորհավորեց համայնքապետին ընտրության կապակցությամբ, վստահություն հայտնելով, որ Պրահա 6-ում տեղակայված Հայաստանի Հանրապետության դեսպանության և համայնքի նոր կազմի հետ միջև համագործակցությունն էլ ավելի կամրապնդվի: Դեսպանն առաջարկեց շարունակել Պրահա 6-ի և Երևանի Արաբկիր համայնքի միջև գործընկերություն հաստատելու մասին գործընթացը:

Դեսպանը զրուցակցին ներկայացրեց Լաչինի միջանցքի շրջափակման հետևանքով ծանր հումանիտար իրավիճակը, Ադրբեջանի կողմից մարդասիրական իրավունքի խախտման մանրամասները՝ ընդգծելով միջազգային հասցեական արձագանքների և գործուն քայլերի կարևորությունը։

Մինչ այդ, հունվարի 23-ին ՀՀ դեսպանը ներկա գտնվեց Պրահա 6-ում տեղակայված բազմաթիվ դեսպանությունների ղեկավարների համար համայնքապետ Յակուբ Ստարեկի կողմից կազմակերպված Ամանորյա ընդունելությանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր