ՀՀ դեսպան Աշոտ Հովակիմյանի աշխատանքային այցը Խորվաթիա

16 հունվարի, 2023

Հունվարի 16-ին կայացավ ՀՀ դեսպան Աշոտ Հովակիմյանի աշխատանքային այցը Խորվաթիա։

Դեսպան Հովակիմյանին Զագրեբում ընդունեց Խորվաթիայի արտաքին և եվրոպական գործերով նախարար Գորդան Գռլիչ-Ռադմանը: Դեսպանը հանդիպումներ ունեցավ նաև Խորվաթիայի ԱԵԳՆ քաղաքական հարցերով պետական քարտուղար Ֆրանո Մատուշիչի, ԱԵԳ նախարարի աշխատակազմի ղեկավար Լարա Ռոմանոյի, ԱԵԳ Եվրասիայի և Օվկիանիայի վարչության պետ Դունյա Սիչայայի հետ: ԱԵԳՆ-ում ունեցած հանդիպումների ընթացքում ՀՀ դեսպանը ներկայացրեց Լաչինի միջանցքի շրջափակման հետևանքով առաջացած հումանիտար ծանր իրավիճակը, Ադրբեջանի՝ Լեռնային Ղարաբաղի հայությանը էթնիկ զտումների ենթարկելու քաղաքականությունը, այս համատեքստում ընդգծելով միջազգային հստակ կոչերի և հասցեական քայլերի անհրաժեշտությունը:

Նույն օրը դեսպան Հովակիմյանին ընդունեց նաև Խորվաթիայի գիտության և կրթության նախարար Ռադովան Ֆուխսը: Քննարկվեցին գիտության և կրթության ոլորտում բարեփոխումների փորձի փոխանակման, ոլորտային այլ համագործակցության հարցեր: ՀՀ դեսպանը նաև դասախոսություն ունեցավ Խորվաթիայի ԱԵԳՆ դիվանագիտական ակադեմիայում «Հայաստանի և հայ ժողովրդի մարտահրավերները նոր աշխարհաքաղաքական իրավիճակում» թեմայով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր