ՀՀ դեսպան Աշոտ Հովակիմյանն այցելեց Պրահայի արքեպիսկոպոսություն, որտեղ նրան ընդունեցին Պրահայի արքեպիսկոպոս և Չեխիայի առաջնորդ Յան Գրաուբները և թոշակառու արքեպիսկոպոս, կարդինալ Դոմինիկ Դուկան

06 հունվարի, 2023

Հունվարի 6-ին ՀՀ դեսպան Աշոտ Հովակիմյանն այցելեց Պրահայի արքեպիսկոպոսություն, որտեղ նրան ընդունեցին Պրահայի արքեպիսկոպոս և Չեխիայի առաջնորդ Յան Գրաուբները և թոշակառու արքեպիսկոպոս, կարդինալ Դոմինիկ Դուկան: Դեսպանը շնորհավորեց Չեխիայի կաթոլիկ եկեղեցու բարձրաստիճան հոգևորականներին Ամանորյա և Սուրբծննդյան տոների առթիվ և շնորհակալություն հայտնեց արդեն ավանդույթ դարձած նման հանդիպումը կազմակերպելու համար:

Չեխ արքեպիսկոպոսներն իրենց կողմից շնորհավորեցին ՀՀ դեսպանին հունվարի 6-ին Հայ Առաքելական եկեղեցու կողմից նշվող Սուրբ Ծննդյան և Աստվածահայտնության տոնի առթիվ՝ բարեմաղթանքներ և աղոթքներ հղելով և իրենց համերաշխությունը հայտնելով Հայաստանի և հայ ժողովրդի հետ: Նրանք խնդրեցին դեսպանին փոխանցել իրենց ուղերձը Չեխիայում բնակվող հայերին:

Ա.Հովակիմյանը չեխ հոգևոր առաջնորդներին մանրամասն ներկայացրեց Հայաստանի նկատմամբ Ադրբեջանի ագրեսիայի հետևանքները, ինչպես նաև Լաչինի միջանցքի փակման պատճառով Լեռնային Ղարաբաղում ստեղծված ճգնաժամային իրավիճակը, նկարագրեց հայկական պատմա-մշակութային արժեքների նկատմամբ ոտնձգությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր