ՀՀ դեսպան Աշոտ Հովակիմյանը մասնակցեց չեխ գրող Կարել Հանսայի «Արևելքի արհավիրքները» գրքի հայերեն թարգմանության շնորհանդեսին

10 դեկտեմբերի, 2022

Դեկտեմբերի 10-ին ՀՀ դեսպան Աշոտ Հովակիմյանը մասնակցեց Պրահայի Կարլի համալսարանում կազմակերպված՝ չեխ գրող Կարել Հանսայի «Արևելքի արհավիրքները» գրքի հայերեն թարգմանության շնորհանդեսին:

Դեսպան Հովակիմյանն իր ողջույնի խոսքում շնորհավորեց թարգմանիչ Աննա Կարապետյանին կատարված մեծ աշխատանքի կապակցությամբ և ընդգծեց աշխատության կարևորությունն ու ներդրումը՝ չեխ հասարակության շրջանում Հայոց ցեղասպանության վերաբերյալ օբյեկտիվ տեղեկատվության տարածման և Չեխիայի կողմից Հայոց ցեղասպանության ճանաչման հարցում:

Դեսպանը շեշտեց, որ ուշագրավ է այն հանգամանքը, որ շնորհանդեսը տեղի է ունենում Ցեղասպանության զոհերի հիշատակի և այդ հանցագործության կանխարգելման միջազգային օրվա համատեքստում: Ընդգծվեց, որ Հայաստանը, որպես ՄԱԿ-ում Ցեղասպանության կանխարգելման բանաձևերի հեղինակ, զանգվածային ոճրագործությունների կանխարգելման օրակարգի առաջմղման նախաձեռնող և ակտիվ մասնակից, մշտապես սատարում է ցեղասպանության հանցագործության կանխարգելմանն ու դատապարտմանն ուղղված ջանքերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր