Չեխիայի խորհրդարանի Պատգամավորների պալատում գործող Չեխիա-Հայաստան միջխորհրդարանական բարեկամության խումբը՝ խմբի նախագահ Մարեկ Բենդայի գլխավորությամբ հյուրընկալեց ՀՀ դեսպան Աշոտ Հովակիմյանին

29 սեպտեմբերի, 2022

Սեպտեմբերի 29-ին Չեխիայի խորհրդարանի Պատգամավորների պալատում գործող Չեխիա-Հայաստան միջխորհրդարանական բարեկամության խումբը՝ խմբի նախագահ Մարեկ Բենդայի գլխավորությամբ հյուրընկալեց ՀՀ դեսպան Աշոտ Հովակիմյանին՝ ծանոթանալու Հայաստանի սուվերեն տարածքի դեմ Ադրբեջանի կողմից սանձազերծված ագրեսիայի հետևանքով Հայաստանում և նրա սահմանների շուրջ տիրող իրավիճակին։

Ա․Հովակիմյանը խմբի անդամներին մանրամասն ներկայացրեց Արցախյան պատերազմին հաջորդած իրողությունները, ներկայիս իրավիճակը ու առկա մարտահրավերները՝ նախորդ տարվանից ՀՀ սուվերեն տարածք ադրբեջանական ուժերի ներխուժման և ՀՀ սուվերեն տարածքի դեմ Ադրբեջանի կողմից սեպտեմբերյան ագրեսիայի հետևանքները։ Դեսպանի կողմից մատնանշվեցին սահմանամերձ բնակավայրերի ու քաղաքացիական ենթակառուցվածքների թիրախավորման դեպքերն և դրանց պատճառով զանգվածային տեղահանումները, առկա հումանիտար բնույթի մարտահրավերները։ Հատուկ անդրադարձ կատարվեց հայ ռազմագերիների հարցերին, ադրբեջանական զինված ուժերի կողմից գործած պատերազմական հանցագործություններին, ինչպես նաև Ադրբեջանի վերահսկողության տակ անցած հայկական պատմամշակութային ժառանգությանը սպառնացող վտանգներին։ Ա․Հովակիմյանը ներկաներին տեղեկացրեց տարածաշրջանում խաղաղության օրակարգի առաջմղման ուղղությամբ հայկական կողմի ջանքերի մասին, ապա նաև պատասխանեց խմբի անդամներին հուզող հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր